Согушка катышкан ардагерлердин элүү чактысы гана калды

Кыргызстанда фашизмге каршы согушка катышкан ардагерлер элүү чакты гана адам калганын бүгүн 9-майда “Азаттык” радиосуна Эмгек, социалдык камсыздоо жана миграция министрлиги билдирди. Мекеменин 1-апрелге карата маалыматы боюнча, согуштун катышуучулары 49 адам, майыптык алгандар 19, концлагердин туткундары 10 жана Ленинградда камоолдо болгондор 14 адам калган. 1941-1945-жылдары фашизмге каршы согушка Кыргызстандан 365 миң адам катышкан, алардын 114 миңи кайтпай калган. (RK)  

09.05.2022 : www.azattyk.kg

источник: https://www.azattyk.kg/a/31840680.html