Кыргызстандын президентинин алдындагы Улуттук инвестиция агенттигинин жетекчиси Равшанбек Сабиров эл аралык James Cubitt & Partners компаниясынын өкүлдөрү менен жолугушууда саламаттык сактоо жана инфраструктура тармагындагы долбоорлорду ишке ашыруунун келечегин талкуулады. Иш-чара өлкө аймагында биргелешкен иш алып баруу мүмкүнчүлүктөрүн баалоо максатында өткөрүлгөндүгү пресс-кызмат тарабынан маалымдалды.
Жолугушуунун катышуучулары медициналык мекемелерди модернизациялоого, социалдык инфраструктураны өнүктүрүүгө жана заманбап инженердик чечимдерди киргизүүгө көңүл бурушту. JCP өкүлдөрү Кыргызстандагы инфраструктураны жакшыртуу боюнча инициативаларга катышууга кызыгуусун билдиришти.
