Кыргызстандын президенти Садыр Жапаров 23-июнда Нарын облусуна барып, Кочкор районунун социалдык-экономикалык өнүгүүсү менен таанышып чыкты. Визит учурунда райондун акими Баялы Досалиев тарабынан даярдалган презентация көрсөтүлүп, анда жергиликтүү тургундар жана активисттер да катышты.
Презентациянын алкагында регионду өнүктүрүү боюнча ар кандай программаларды ишке ашыруунун жетишкендиктери жана натыйжалары, ошондой эле калктын жашоо шарттарын жакшыртууга багытталган пландар талкууланды. 2021-2025-жылдар аралыгында Кочкор районунда 17 социалдык объект пайдаланууга берилди, алардын ичинде сегиз мектеп, төрт бала бакча жана беш спорт зал бар. Учурда социалдык инфраструктураны өнүктүрүү активдүү улантылууда, ал эми 2026-жылга 30 жаңы объекттин курулушу жана алты бар объекттин капиталдык ремонту пландалууда, жалпы чыгымдар болжол менен 5,9 миллиард сомду түзөт.