Президент мамлекеттик ипотекалык ресурстарды бөлүштүрүү тууралуу билдирди
Кыргызстандын Мамлекеттик ипотекалык компаниясы (ГИК) Бишкек, Ош жана облустук борборлордо курулуш долбоорлорун ишке ашырууну токтотот. Бул тууралуу президент Садыр Жапаров Нарын облусунун тургундары менен болгон жолугушуусунда маалымдады.
Мамлекет башчысы стратегиянын өзгөрүшү айылдык тургундар үчүн жеткиликтүү турак жайга болгон жогорку муктаждык менен байланышканын белгиледи. Эми ГИК көп кабаттуу үйлөрдү жана жеке турак жайларды кичи шаарларда, райондук борборлордо жана айылдарда курууга көңүл бурат.
«Биз Бишкекте, Ошто жана облустук борборлордо куруу жүргүзгөнбүз, бирок азыр бул ишти токтотуп, айылдарга, райондук борборлорго жана кичи шаарларга өтүп жатабыз. Айылдарда турак жайды күтүп жаткан көп адамдар бар, алардын чыдамдылыгы түгөнүүдө», — деди Садыр Жапаров.
Президент чоң шаарлардан тышкары жеңилдетилген ипотекага болгон суроо-талаптын абдан жогору экенин баса белгиледи. ГИКтин ишин кайра форматтоо региондордо электрондук кезектерди тейлөө процессин тездетүүгө жана жылдап өз кезегин күтүп жаткан жарандарды турак жай менен камсыз кылууга мүмкүндүк берет.
Сүрөт www