Президент Садыр Жапаров Жумгаль районуунун тургундары менен болгон жолугушуусунда балдардын мобилдик телефондорду ашыкча колдонушу боюнча тынчсыздануусун билдирди жана ата-энелерге үй-бүлөдө активдүү байланыш үчүн шарттарды түзүүнү сунуштады.
Жолугушууда Жалил Турсунов билим берүү мекемелеринде улуттук салттар жана адаттарды үйрөнүүгө арналган программаны киргизүүнү сунуштады. Ал бул ишти тарбиялык сааттардын алкагында, кошумча каржылык чыгымдарды талап кылбай, окуучулардын жаш курак категориялары боюнча бөлүштүрүп ишке ашырууга болорун белгиледи.