Айыл өкмөтүнүн жерлеринде ипотекалык көп кабаттуу үйлөр курулат
Кыргызстанда жеке турак жай курулушу үчүн жер тилкелерин берүү токтотулду. Бул тууралуу президент Садыр Жапаров Нарын облусуна болгон жумушчу сапары учурунда билдирди.
Мамлекет башчысы жаңы жер саясаты урбанизацияга жана ресурстарды рационалдуу пайдаланууга багытталганын белгиледи. Өкмөттүн пландарында айыл өкмөтүнүн башкаруусундагы бош жерлерде көп кабаттуу үйлөрдү куруу, жарандарга даяр батирлерди берүү каралган.
Президент 90-жылдары жарандарга жер тилкелери берилгенин жана азыр аларды кайтаруу кыйынчылыктарды жаратышы мүмкүн экенин айтты. Мисалы, эгер аксакалдын бир гектар жери болсо, ал аны берүүгө макул болбойт. Ошондуктан көп кабаттуу имараттар айыл өкмөтүнүн балансындагы жерлерде курулат, бул мамлекеттик ресурстарды натыйжалуу пайдаланууга мүмкүндүк берет.
Мындай мамиле аймактардагы кезек күтүп жаткан адамдарга турак жай менен камсыз кылып, айыл чарба жерлерине зыян келтирбейт.
Сүрөт www