Кыргызстанда Шанхай кызматташтык уюмунун төрагалыгы алкагында өтүп жаткан SCO Business & Industry Expo Kyrgyzstan 2026 эл аралык көргөзмөсүндө бизнес программасы аяктады. Бул тууралуу Соода-өнөр жай палатасынын президенти Темир Сариев билдирди.
Сариев өткөрүлгөн сүйлөшүүлөрдүн натыйжасында жетишилген келишимдердин негизинде жогорку деңгээлдеги маанилүү расмий иш-чаралар күтүлүп жатканын белгиледи. Ал ошондой эле Соода-өнөр жай палатасы бизнес өкүлдөрүнүн кызыкчылыктарын көрсөтүп, ишкерлердин идеялары жана демилгелери боюнча өкмөттүн алдында активдүү сүйлөп турарын кошумчалады.
Төрагалыктын маанилүү жетишкендиктеринин бири катары ал бизнес коомчулугу менен мамлекеттик структуралардын ортосундагы ишти координациялоону атады. "Кыргызстан Азиянын жүрөгүндө жайгашкан тоолуу өлкө гана эмес, континенттин маанилүү транспорттук жана бизнес түйүнүнө айланууда. Биз Чыгышты жана Батышты, Түндүктү жана Түштү байланыштырып турган Евразия транспорттук системасында инвестициялардын көлөмү боюнча алдыңкы беш өлкөнүн катарына кирип жатабыз", — деп баса белгиледи ТППнын башчысы.