Балдардын укуктары боюнча Кыргызстандагы ыйгарым укуктуу өкүл Асель Чынбаева «ММКнын балдардын укуктарын коргоодогу ролу: этика, коопсуздук жана кесипкөйлүк» темасында эки күндүк тренингди баштады. Иш-чара ыйгарым укуктуу өкүлдүн секретариаты, КР президентинин администрациясынын маалыматтык саясат кызматы жана өлкөдөгү ЮНИСЕФ өкүлү менен кызматташтыкта уюштурулган.
Тренинг мамлекеттик медиа жетекчилерин жана бийлик органдарында иштеген пресс-кызматкерлерди чогултту. Окуунун негизги максаты — балдарга байланыштуу маселелерди чагылдырууда кесиптик жөндөмдөрдү жакшыртуу, эл аралык стандарттарга жана балдардын укуктарын коргоо принциптерине басым жасоо.
Асель Чынбаева өзүнүн саламдашуу сөзүндө медиага балдардын темаларына жоопкерчиликтүү мамиле кылуунун маанисин белгилеп, баланын кызыкчылыктарын, конфиденциалдуулугун, коопсуздугун жана анын кадыр-баркына болгон урматты сактоонун зарылдыгын баса белгиледи.
Ал ошондой эле пресс-кызматтар балдардын укуктарын коргоо системасында негизги роль ойной турганын, мамлекеттик демилгелердин коомдук кабыл алуусун калыптандыруу, үй-бүлөлөрдү жана балдарды колдоого багытталган, ошондой эле жарандардын мамлекеттик мекемелерге болгон ишенимин жана укуктук сабаттуулугун жогорулатуу боюнча маанилүү экенин белгиледи.
Тренингдин жүрүшүндө катышуучулар балдар темасы менен иштөөдө юридикалык, этикалык жана психологикалык аспектилерди изилдешет, ММК жана пресс-кызматтардын эффективдүү өз ара аракеттенүү механизмдерин талкуулашат. Иш-чаранын аяктоосунда мамлекеттик органдар жана медиа үчүн балдардын укуктарын жана кадыр-баркын коргоо боюнча практикалык сунуштар даярдалат.