Кыргызстанда мамлекеттик-менчик өнөктөштүк (ММӨ) механизмдери мыйзамдарды жөнөкөйлөтүү жана демилгелер үчүн атайын режимдерди киргизүү менен натыйжалуу иштей баштады. Бул тууралуу Улуттук инвестиция агенттигинин ММӨ борборунун директору Нурбек Анарбекин «Мамлекеттик-менчик өнөктөштүк: Евразиянын келечектеги инвестициялык потенциалын ачуу» сессиясында билдирди.
Анарбекиндин айтымында, реформадан кийин республикадагы ММӨ тармагы кыйла активдешти. 2021-жылы, пандемиядан кийинки шарттарда, портфелде болгону 4 миллион долларга жакын үч долбоор болгон, бирок процедураларды жөнөкөйлөтүү менен демилгелердин саны өсө баштады.
