Аялдарды колдоо Шанхай кызматташтык уюмунун (ШКУ) өлкөлөрүнүн кызматташтыгында маанилүү орунду ээлейт. Бул тууралуу Бишкектеги ШКУ аялдар форумунда Кытайдын аялдар федерациясынын эл аралык байланыштар департаментинин министри Чжан Цзяньминь билдирди. Ал ШКУ 25 жылдык тарыхында тажрыйба алмашуу жана актуалдуу маселелерди биргелешип чечүү үчүн маанилүү платформага айланганын белгиледи, мында аялдардын потенциалын өнүктүрүү мамлекеттер ортосундагы өз ара аракеттешүүнү чыңдоонун негизги багыты болуп саналат.
Кытай гендердик теңдик саясатын активдүү жүргүзүп, аялдардын укуктарын жана мүмкүнчүлүктөрүн колдоо боюнча комплекс системасын иштеп чыккан. Чжан Цзяньминь Кытайда эмгекке жарамдуу аялдардын 40% дан ашыгы экономикада иштеп жатканын, алардын 45,8%ы илимий-техникалык адистер экенин маалымдады. Аялдар ошондой эле санарип соода, электрондук коммерция жана жаңы жумуш формаларында маанилүү роль ойнойт.