Иссык-Көл облусунда, Чон-Сары-Ой жана Бостери айылдарында, ошондой эле Чолпон-Ата шаарында 2-июлдан 4-июлга чейин «Таза жашоо» аттуу интерактивдүү экологиялык иш-чара өтөт. Бул иш-чара калдыктарды бөлүп жыйноо жана кайра иштетүү маселелерине арналат. Иш-чаранын уюштуруучусу — Табигый ресурстар, экология жана техникалык көзөмөл министрлигине караштуу «Эко Оператор» мамлекеттик ишканасы.
Иш-чаранын максаты — балдардын экологиялык маалыматын жогорулатуу жана айлана-чөйрөгө кам көрүү маданиятын калыптандыруу. Иш-чаранын катышуучуларына калдыктарды бөлүп жыйноо жана кайра иштетүүнүн негиздери үйрөтүлөт, бул табиятты сактоонун маанилүү кадамы болуп саналат.