Алгачкы сааттарда 700дөн ашык арыз түштү
2026-жылдын 1-июлунан баштап үч жашка чейинки балдар үчүн ай сайын берилүүчү мамлекеттик жардам «Бала ырысы» боюнча арыздарды кабыл алуу башталды. Кыргызстан Республикасынын Эмгек, социалдык камсыздандыруу жана миграция министринин орун басары Мирланбек Байгончоков бул тууралуу маалымат каражаттарынын өкүлдөрүнө брифингде билдирди.
Анын айтымында, алгачкы сааттарда 700дөн 1000ге чейин арыз берилген.
Министрдин орун басары статистикага ылайык, балдар өлкө калкынын 38%ын түзөрүн, үч жашка чейинки балдардын саны 440 миңден 470 миңге чейин өзгөрүп турарын белгиледи. Жардам алуу үчүн арызды мобилдик колдонмо аркылуу же министрликтин аймактык башкармалыктарында берүү мүмкүн. Эгер арыз июль айында берилсе, төлөмдөр августтан башталат. Жардамды эки мамлекеттик банк аркылуу алууга болот: «Элдик Банк» жана «А Банк».
Жардам Кыргыз Республикасынын «Мамлекеттик жардамдар жөнүндө» мыйзамына ылайык берилет жана үч жашка чейинки ар бир бала үчүн айына 1200 сомду түзөт.
Жардамды алуу үчүн ата-энелер же мыйзамдуу өкүлдөр белгиленген формадагы арызды, паспортту, баланын туулгандыгы тууралуу күбөлүктү жана башка талап кылынган документтерди берүү керек.
Сүрөт www