Ар бир экологияга таасир этүүчү ишкана экологиялык паспортко ээ болушу керек. Бул тууралуу табигый ресурстар, экология жана техникалык көзөмөл министри Акыл Токтобаев «Кабар» подкастында билдирди. Экологиялык паспорт бизнесдин табиятка болгон таасирин баалоо жана экологиялык зыян үчүн компенсациялык төлөмдөрдү аныктоо үчүн негиз болуп кызмат кылат.
Министр экологиялык компенсациялардан алынган каражаттар толугу менен экологияны коргоо жана экологиялык абалды жакшыртуу боюнча долбоорлорго жумшалат деп баса белгиледи. Ал мурда бузулган жерлерди рекультивациялоо маселелерине жетиштүү көңүл бурулбай келгенин, бирок азыр бул тармакта көзөмөл кыйла күчөтүлүп жатканын айтты.