Бүгүнкү күндө Кыргызстанда күйүүчү-майлоочу материалдардын жетиштүү запастары түзүлгөн. Бул материалдардын өлкөгө жеткирүүлөрү мурда түзүлгөн контракттардын негизинде үзгүлтүксүз жүргүзүлүп, алардын камсыздалышы энергетика министрлигинин туруктуу көзөмөлүндө.
Кыргызстан күйүүчү-майлоочу материалдардын импортуна чоң деңгээлде көз каранды. Ошондуктан, дүйнөлүк энергетикалык рыноктогу өзгөрүүлөр, Жакынкы Чыгыштагы геополитикалык чыңалуу, эл аралык логистикадагы тобокелдиктер жана нефть бааларынын өсүшү өлкөнүн ички рыногуна, башка мамлекеттердин рынокторуна таасир этет.

Министрлер кабинети жана энергетика министрлиги энергетикалык коопсуздукту камсыздоо жана ички рынокту күйүүчү-майлоочу материалдар менен туруктуу камсыздоо үчүн ыкчам чараларды көрүп жатышат.