Ош шаарында борбордук аянтты көрктөндүрүү иштеринин аяктаганы тууралуу шаардык мэриядан маалымдашты. Иштер Ош шаарынын мэри Жанарбек Акаевдин тапшырмасы менен жүргүзүлгөн. Муниципалдык «Ош шаарын көрктөндүрүү жана жашылдандыруу комбинаты» аймакты тартипке келтирип, бардык пландалган иш-чараларды аяктаган.
Ошондой эле муниципалдык «Ошсвет» заманбап жарык берүү системасын киргизди, ал учурда тесттик режимде иштеп жатат. Бул жаңылык аянттын сырткы көрүнүшүн гана жакшыртпастан, ошондой эле кечки сааттарда шаар тургундары жана коноктору үчүн коопсуздукту жана комфортту кыйла жогорулатат.