«Бала ырысы» пособосун алуу үчүн ата-энеден же мыйзамдуу өкүлдөн арыз берүү, ошондой эле жеке идентификация номеру менен ID-паспорт жана баланын туулгандыгы тууралуу күбөлүк, идентификация номеру менен бирге сунушталууга тийиш. Кайрылман статусуна ээ жарандар күбөлүк көрсөтүшү керек, ал эми чет өлкөлөр тарабынан берилген паспорттор расмий түрдө таанылышы шарт. Эгерде балдар өлкөдөн төрөлсө, ата-энелер Кыргыз Республикасындагы жарандык документти алуу үчүн калкты тейлөө борборуна кайрылууга милдеттүү.
Эмгек, социалдык камсыздандыруу жана миграция министрлигинин социалдык төлөмдөр башкармалыгынын жетекчиси Аида Ажиходжоева, эгерде үй-бүлөнүн маалыматтары санариптештирилген болсо, мобилдик тиркеме аркылуу арыз берүү оңой болорун билдирди. Бул учурда аймактык башкармалыктарга кайрылуунун кереги жок, арыз бир нече мүнөттө каралат.