Ош облусунун Кара-Кулжин районунда Терек–Чаты–Терек жана Мырза-Аке–Кара-Кулжа–Алайкуу автожолдорунда унаалар үчүн бир тараптуу кыймыл киргизилди. Мамлекеттик транспорт жана байланыш министрлиги бул чечим сел агымдарынын кесепеттери менен байланыштуу экенин билдирет.
Ведомствонун маалыматы боюнча, Терек–Чаты–Терек жолунун 10-километрине чейин унаа кыймылы сел агымдарынын кесепетинен токтотулган. Учурда тазалоо иштери аяктады жана кыймыл бир тараптуу жанданды.
Мырза-Аке – Кара-Кулжа – Алайкуу автожолунун 107ден 115 кмге чейинки бөлүгүндө да сел агымдарынын кесепеттери жоюлду жана транспорттун кыймылы бир тараптуу режимде жүргүзүлүүдө.