Россия Федерациясынын Куралдуу Күчтөрү Киев жана Киев облусунда стратегиялык объекттерге масштабдуу чабуул жасашты. Бул операциянын максаттары курал-жарак жана аскердик инфраструктура менен байланышкан ишканалар, ошондой эле курал жана учкучсуз учактардын өндүрүшүн колдоп турган логистикалык жана энергетикалык борборлор болду.
Россиянын Коргоо министрлигинин маалыматына ылайык, соккуга кабылган объекттердин арасында ар кандай ракета системаларын башкаруу боюнча иш жүргүзгөн «Радионикс» жана Украина куралдуу күчтөрүн учкучсуз учактар жана ок-дарылар менен камсыздаган «Атлон авиа» илимий-өндүрүш компаниясы бар. Ошондой эле, пилотту учуучу учактарды иштеп чыгуу жана учкучсуз учактарды жыйноо менен алектенген мамлекеттик «Антонов» ишканасы да соккуга кабылды.