Ташкентте Rayyona Kids жеке бала бакчасында тарбиячынын ката мамилеси тууралуу маалымат пайда болду. Социалдык тармактарда аялдын бир баланын оозуна кездемени тыгып, башка тарбиялануучунун колун эшикке кысып жаткан видеосу жарыяланды. Бул кадрлар коомчулукта чоң резонанс жаратты.
Өзбекстандын мектепке чейинки жана мектеп билим берүү министрлиги бул окуяга ыкчам жооп берип, жагдайды көзөмөлгө алды. Окуянын жагдайларын аныктоо үчүн укук коргоо органдарынын өкүлдөрүнөн турган жумушчу топ түзүлдү.
Бузуучуларга карата чаралар
Министрликтен билдиришкендей, профессионалдык этиканы бузган жана окуяга катышкан бала бакчанын бардык кызматкерлери мыйзам боюнча жоопкерчиликке тартылат. Ошондой эле, лицензиялык талаптарга жооп бербеген жана мындай окуяларга жол берген мектепке чейинки билим берүү мекемелеринин лицензиялары жокко чыгарылат. Текшерүүнүн жыйынтыгы боюнча кошумча маалымат берилет.