Легендарный боксчу Эвандер Холифилд Ысык-Көлдө Бокс Академиясын ачуу пландары тууралуу жарыялады. Бул билдирүү 2-июлда өткөн пресс-конференцияда жасалды, анда Холифилд регионду тандоонун себеби анын таза жана жаңы абасы экенин баса белгиледи. Ал Ысык-Көлдүн климаты интенсивдүү машыгуулардан кийин калыбына келүү үчүн идеалдуу шарттарды түзөөрүн белгиледи.
Академиянын ачылыш мөөнөтү жана жайгашкан жери тууралуу конкреттүү маалымат азырынча жок. Мурда Холифилд Кыргызстанда өзүнүн бокс мектебин түзүү ниетин билдирген. Негизги көңүл жаш спортчуларды даярдоого, машыктыруучулар базасын өнүктүрүүгө жана дүйнөлүк профессионалдар менен тажрыйба алмашууга бурулат.