Бишкекте мэриянын капиталдык курулуш башкармалыгы тарабынан курулуп жаткан заманбап маданий борбордун курулушу уланууда. Жаңы объект Токтоналиев көчөсүндө, мурдагы "Чатыр-Куль" кинотеатрынын ордунда жайгашкан.
Маданий борбордун долбоору 420 орундуу кинотеатрды, музыкалык жана театралдык билим берүү үчүн класстарды, 330 орундуу көргөзмө залын, фуд-кортту, ошондой эле маданий жана коомдук иш-чаралар үчүн арналган көп функциялуу мейкиндиктерди камтыйт.