Узбекистанда жаңы таштанды кайра иштетүү заводдору активдүү курулууда, алар полигоондорго болгон жүктөмдү азайтып гана тим болбостон, таштандыдан электр энергиясын да өндүрөт. Бул тууралуу Podrobno.uz маалымдайт.
Таштанды башкаруу жана айланма экономикасын өнүктүрүү агенттигинин маалыматы боюнча, Андижан, Наманган, Фергана, Самарканд, Кашкадарья жана Ташкент облустарында жалпы наркы 933 миллион долларды түзгөн алты завод курулууда. Бул ишканалар жылына 3,6 миллион тонна таштандыны кайра иштетип, болжол менен 1,6 миллиард киловатт-саат электр энергиясын өндүрө алат. Мындан тышкары, дагы беш заводдун курулушу 633 миллион долларга пландалууда.