Соңку беш жылдын ичинде Кыргызстанда 21 медициналык объект ачылды, ал эми 42 объект ар кандай курулуш этаптарында. Бул тууралуу саламаттыкты сактоо министри Дамирбек Осмонов билдирди.
Ош жана Талас шаарларында заманбап перинаталдык борборлордун курулушу уланууда, мындан тышкары, өлкө боюнча ооруканалар жана поликлиникалар жаңыланууда.
Министр саламаттыкты сактоо боюнча консолидирленген бюджеттин дээрлик эки эсе көбөйгөнүн жана 51,9 миллиард сомду түзгөнүн белгиледи, бул тармактын материалдык-техникалык базасын кыйла жакшыртууга мүмкүндүк берди.