Учурда курстарда 200 бала билим алууда, алардын 100ү уул, 100ү кыз. Сабактар бекитилген программа боюнча уюштурулуп, жергиликтүү мечиттин имам-хатиби тарабынан көзөмөлдөнүүдө. Окуу учурунда балдарга Куранды окуу, таджвид, фикх негиздери, кыргыз тили жана адеп-ахлактык тарбия сабактары өтүлүүдө.
Текшерүүнүн жыйынтыгы боюнча курстарды уюштуруу оң баа алды. Ысык-Ата районунун башкы имам-хатиби милдетин аткаруучу Бактыбек ажы Убабеков диний агартуу, ошондой эле жаштарда патриотизм жана адеп-ахлактык сапаттарды тарбиялоо коомдун келечегин түзүүдө маанилүү роль ойнойт деп белгиледи.