Дмитрий Песков
Россиянын президентинин басма сөз катчысы Дмитрий Песков Украина бийлигинин Донецк Элдик Республикасында жайгашкан Константиновка шаарында Украина Куралдуу Күчтөрүнүн контролу сакталганы тууралуу маалыматын четке какты. Ал «Комсомольская правда» үчүн берген комментарийинде бул билдирүү чындыкка дал келбестигин белгиледи.
Украина президенти Владимир Зеленскийдин Константиновкада Россиянын лидери Владимир Путин менен жолугууга даярдыгы тууралуу билдирүүсүнө жооп берип жатып, Песков бул шаар азыр толугу менен Россиянын аскерлеринин контролунда экенин айтты. Ал ошондой эле Константиновка бошотулганын жана акыркы жыйындын учурунда президентке штурмдук бригадалардын командирлери бул маалыматты тастыктап, шаарды дрондор аркылуу көрсөтүшкөнүн кошумчалады.