Кыргызстандын саламаттык сактоо министри Дамир Осмоновдун Женевада өткөн Дүйнөлүк саламаттык сактоо ассамблеясынын 79- сессиясында климаттын өзгөрүшүнүн ден соолукка тийгизген таасири тууралуу сүйлөгөн сөзү тоолуу аймактардагы медициналык кызмат көрсөтүү маселесин кайрадан курчутту. Министрдин айтымында, тоолуу жер Кыргызстан үчүн жөн гана географиялык элемент эмес, медициналык жардамга жетүүнү жана калктын жашоо сапатын аныктаган негизги фактор.