Президент Садыр Жапаров Цифровой кодексин кабыл алууга байланыштуу бир катар мыйзам актыларына өзгөртүүлөрдү киргизүү тууралуу мыйзамга кол койду. Бул мыйзам 2026-жылдын 4-июнунда Жогорку Кеңеш тарабынан жактырылды.
Президенттин басма сөз кызматынын маалыматына ылайык, кабыл алынган мыйзамдын негизги максаты жаңы Цифровой кодекс менен шайкеш келген оперативдүү-издөө жана контрразведкалык ишмердүүлүктү жөнгө салган түшүнүктөрдүн аппараты жана нормаларын тартипке келтирүү болуп саналат. Мыйзам ошондой эле укук коргоо жана атайын иш-чаралардын санариптик трансформациясы шартында мамлекеттик органдар менен телекоммуникация тармагындагы катышуучулардын ортосундагы өз ара аракеттенүүнү жакшыртууга багытталган.