Пакистан президенти Асиф Али Зардаринин Кыргызстандын визити эки тараптуу кызматташтык үчүн жаңы мүмкүнчүлүктөрдү ачат, деп эсептейт саясатчы Асель Омуракунова. Ал Кыргызстандын деңизге чыгышы жок болгондуктан, ишенимдүү транспорттук коридорлор соодада гана эмес, экономикалык туруктуулукту камсыздоодо да маанилүү роль ойнойт деп белгиледи.
«Кыргызстан менен Пакистан ортосундагы дипломатиялык мамилелер 1992-жылдын 10-майында түзүлгөн. Президент Садыр Жапаровдун 2025-жылдын декабрында Пакистанга болгон визити бул байланыштарды бекемдөөнүн маанилүү кадамы болду. Анда соода, инвестициялар жана транспорт логистикасы боюнча негизги маселелер талкууланды», - деди эксперт.