Бишкекте күн сайын, дем алыш күндөрүн кошкондо, коомдук транспортто жол акы төлөөнүн эрежелерин сактоону көзөмөлдөө боюнча рейддер өткөрүлүүдө. Шаардык мэриядан билдиришкендей, мындай иш-чаралар жүргүнчүлөр жана айдоочулар арасында тартипти жогорулатууга багытталган.
Рейддердин жүрүшүндө адистер түшүндүрүү иштерин жүргүзүп, альтернативдүү жол акы төлөө тартибин жана белгиленген нормаларды сактоонун зарылдыгын түшүндүрүшөт.
Мэрия ошондой эле 2026-жылдын 1-июлунан баштап Бишкектин муниципалдык автобустарында жаңы жол акы төлөө системасы киргизилерин эскертишти.
Рейддик иш-чаралардын негизги максаты эрежелердин сакталуусун камсыз кылуу, жүргүнчүлөргө кызмат көрсөтүүнүн сапатын жакшыртуу жана коомдук транспорттун ачык ишин түзүү болуп саналат.