Ош облусунун Кара-Кульджа районунда мыйзамсыз жайыт жерлерин пайдалануу фактысы катталды. Бул Кыргыз Республикасынын Су ресурстары, айыл чарба жана кайра иштетүү өнөр жайы министрлигинин ишинин натыйжасында белгилүү болду.
Мыйзам бузуу Кара-Гуз айыл аймагынын Кара-Жыгач айылында Жер жана суу көзөмөлдөө кызматынан аймактык башкармалыгынын кызматкерлери тарабынан аныкталды. Текшерүүнүн жүрүшүндө жергиликтүү тургун Ы.А. 300 чарчы метрден ашык жайыт жеринин жаратылышынын жогорку катмарын өз алдынча алып салгандыгы белгилүү болду.