Кыргызстанда абитуриенттер жана алардын ата-энелери үчүн жогорку жана орто кесиптик окуу жайларына кабыл алуу боюнча консультацияларды сунуш кылган бирдиктүү колл-центр ишке киргизилди. Инициативаны илим, жогорку билим берүү жана инновациялар министрлиги жарыялады.
110 кыска номерине чалып, жогорку жана орто кесиптик окуу жайларына кабыл алуу боюнча суроолорго акысыз жооп алууга болот. Колл-центрдин адистери кабыл алуу кампаниясы, кабыл алуу шарттары, тандоо турларын өткөрүү жана билим берүү программасын тандоо боюнча маалымат менен жардам беришет, ошондой эле кабыл алуу процессине байланыштуу башка суроолорду чечишет.