Иссык-Куль облусунда бир нече пансионаттарда пландан тыш текшерүүлөр өткөрүлүп, натыйжада олуттуу мыйзам бузуулар аныкталды. Иш-чаралар Бишкек экология прокуратурасынын колдоосу менен Экология жана техникалык көзөмөл кызматы тарабынан уюштурулган.
Текшерүүлөрдүн жүрүшүндө 54 административдик мыйзам бузуулар боюнча протокол түзүлүп, жалпы суммасы 767 миң сомду түзгөн айыппулдар салынды. Мындан тышкары, мыйзам бузуучуларга аныкталган кемчиликтерди мүмкүн болушунча тез арада жоюу боюнча көрсөтмөлөр берилди.