Жакында Европадагы рекорддук ысык шарттарда Дүйнөлүк саламаттыкты сактоо уюму (ВОЗ) жайкы күндөрдө күтүлүүчү мүмкүн болгон коркунучтар жөнүндө билдирүү жасады. Прогноздорго ылайык, ушул аптада Португалия жана түштүк Испанияда температура 43 градуска чейин жетиши мүмкүн. Ошол эле учурда Франция жана Бенилюкс өлкөлөрүндө жаңы ысык толкуну күтүлүүдө, ал эми Борбордук Азиянын бир катар аймактарында температура 40 градустан ашып кеткенин ВОЗдун өкүлдөрү белгилешти.
ВОЗдун Европа боюнча регионалдык директору Ханс Клюге ар кандай өлкөлөрдүн катышуучулары, ошондой эле Европалык комиссиянын жана жарандык коомдун уюмдарынын өкүлдөрү менен чукул жыйын өткөрдү. Ал мамлекеттер экстремалдык температураларды жөн гана аба ырайынын көрүнүшү катары эмес, коомдук саламаттыкка олуттуу коркунуч катары кабыл ала баштаганын баса белгиледи.