Ош облусунда 2026-жылга пландалган VI Дүйнөлүк кочмандар оюндарына арналган "Биримдик кербени" долбоору башталды. Бул инициатива өлкөнүн региондору ортосундагы байланыштарды бекемдөөгө жана улуттук макулдашуунун баалуулуктарын жайылтууга багытталган.
"Баатырлар" жана "Элчилер" тобунун катышуучулары Апшыр-Ата булагынан суу жыйнап, атайын түзүлгөн идишке - көөкөргө куюшту. Андан кийин, маданий программа менен коштолгон кербен Ош шаарынын борбордук аянтына жөнөдү.