Чүй облусунун Аламудун районунда жайгашкан Байтик айылында жаңы коомдук мейкиндиктин түзүлүшү башталат. Бул тууралуу маалыматты Курулуш, архитектура жана турак жай-коммуналдык чарба министрлиги билдирди.
Аянтчанын эскиздик долбоорун Чүй облустук шаар куруу жана архитектура башкармалыгы иштеп жатат.
Келечектеги жакшыртылган аянттын аянты 1 600 чарчы метрди түзөт.
Долбоордун алкагында брусчаткадан жөө адамдар үчүн жолдорду куруу, аймакты жашылдандыруу, дарактарды жана гүлзарларды отургузуу, ошондой эле отургучтарды, таштанды салуучу жайларды жана заманбап жарыкты орнотуу каралган.
Бул долбоорду ишке ашыруунун максаты — жергиликтүү тургундар үчүн ыңгайлуу жана коопсуз эс алуу жайын түзүү жана айылдын архитектуралык көрүнүшүн жакшыртуу.