Мамлекеттик жарандык авиация агенттиги «Манас» аэропортундагы TezJet учагы менен болгон окуядан кийин өлкөдөгү бардык авиакомпанияларды кошумча текшерүүдөн өткөрүүнү баштады. Бул тууралуу ведомствонун өкүлдөрү билдиришти.
Текшерүүлөрдүн жүрүшүндө учуу коопсуздугу талаптарынын сакталуусу, аба кемелеринин техникалык абалы жана авиация нормаларынын аткарылышы бааланат. Бул чаралар Кыргызстандагы жарандык авиациянын коопсуздук деңгээлин жогорулатууга багытталган.