Каракол шаардык мэриясынын кызматкерлери укук коргоо органдары менен биргеликте Жамансариев көчөсүндө, «Ак-Тилек плюс» базарынан алыс эмес, мыйзамсыз жана стихиялуу соодага каршы рейд өткөрүштү. Иш-чаранын алкагында көчө соодагерлерине коомдук тартипти сактоонун маанилүүлүгү тууралуу түшүндүрмөлөр берилди. Аларга жөө жүргүнчүлөрдүн коопсуз кыймылы үчүн тротуарларды бошотуу жана автоунаа айдоочуларына тоскоолдук кылбоо зарылдыгы эскертилди.
Рейд вице-мэр Нурлан Момбековдун тапшырмасы менен уюштурулган. Текшерүүлөрдүн негизги максаты көчө соодасынын тартибин орнотуу болуп, бул шаар тургундарына жана конокторуна ыңгайлуу шарттарды түзүүгө жардам бериши керек.