Демократиялык Республика Конго өкмөтү Чопо жана Жогорку Уэле провинцияларын Эбола лихорадкасынын жайылышына кабылган аймактардын тизмесине киргизгенин жарыялады. Мамлекеттин саламаттык сактоо министри Роже Камба бул провинцияларда эки оорулуунун катталганын билдирди.
«Чопо провинциясы да бул оорудан жабыркады... Биз ошондой эле Вамбеде (Жогорку Уэле) учурларды каттадык, ошондуктан бул аймакты тизмеге кошобуз», — деп тактады министр.
Эболанын өлкөдөгү жайылышы башталгандан бери курмандыктардын саны 625 адамга жетти, ал эми 1,8 миң адам бул оорудан жабыркаган. Камба Итури жана Түндүк Киву провинцияларында инфекциянын «кескин фазасы» улантылып жатканын белгиледи.