Стамбулда Кыргызстандын жана Түркиянын Ички иштер министрлигинин биргелешкен операциясынын натыйжасында 1990-жылы туулган А.Ш. аттуу жаран кармалып, Кыргызстанга экстрадицияланды. Ал 12 жыл бою укук коргоо органдарынан жашырып жүрүп, Кыргыз Республикасынын Кылмыш-жаза кодексинин 97-беренесинде каралган өтө оор кылмыш, атап айтканда, алдын ала сүйлөшүп алган адамдар тобу тарабынан жасалган киши өлтүрүү боюнча айыпталууда.
Тергөөнүн материалдарына ылайык, 2014-жылдын февраль айында Бишкек-Ош автожолундагы конфликттин натыйжасында такси айдоочусу М.У. өлтүрүлгөн. Андан кийин А.Ш. Кыргызстанды таштап, Интерпол аркылуу эл аралык издөө жарыяланган.