Британиялык актер жана эки «Оскар» сыйлыгынын ээси Энтони Хопкинс музыкалык карьерасын баштаганын жарыялады, Decca Classics лейбли менен келишимге кол койду. The Guardian'дын маалыматына ылайык, 88 жаштагы артист өзүнүн музыкалык чыгармаларын кеңири аудиторияга сунуштоого даяр.
Хопкинстин дебюттук альбому Life Is A Dream деген ат менен 21-августта чыгат. Ага актер тарабынан акыркы 60 жылда жазылган 12 композиция кирет. Bracken Road деген аталыштагы биринчи сингл популярдуу музыкалык платформаларда жеткиликтүү.