Москва облусунун Истра шаарына жакын жайгашкан Пионерский айылында учкучсуз учактын турак жайларга кулашынын натыйжасында үч адам каза болуп, дагы үчөө жаракат алды. Бул маалыматты Подмосковьенин губернатору Андрей Воробьев билдирди.
Окуянын натыйжасында беш үйдө өрт чыкты. Воробьевдин айтымында, 13-июлга караган түнү абадан коргонуу жана радиоэлектрондук күрөш системалары Подмосковьеге багытталган 81 дронду кармап алышкан.
«Москвага жакындап келе жатканда» баш калаанын мэри Сергей Собянин 50 учкучсуз учактын жок кылынганын билдирди, жалпы алганда Украина тараптан 350дөн ашык дрондун багытталганын, алардын көбү алыс аралыкта жок кылынганын кошумчалады.