СЭЗ «Бишкек» билдиргендей, делегация Кытай бизнес коомчулугунун 250дөн ашык өкүлү жана ар кандай компаниялардын жетекчилери менен сүйлөшүүлөрдү өткөрдү. Жаңы өкүлчүлүк Кыргызстандагы инвестициялык мүмкүнчүлүктөрдү илгерилетүүгө, маалыматтык колдоо көрсөтүүгө жана кытай инвесторлору менен байланыштарды орнотууга багытталат.
Мындан тышкары, Шэньси провинциясынын Сиань шаарында Кытай демократиялык улуттук курулуш ассоциациясынын Шэньси провинциясынын ишкерлер ассоциациясынын өкүлдөрү менен жолугушуу өттү. Сүйлөшүүлөрдүн натыйжасында узак мөөнөттүү кызматташуу боюнча алкактук келишимге кол коюлду.