Чет өлкөдөн жылжымай турган мүлк сатып алуу мамлекет үчүн экономикалык жактан негизделген жана стратегиялык жактан маанилүү кадам болуп саналат, бул Кыргызстанга бюджеттик чыгымдарды кыйла оптималдаштырууга мүмкүндүк берет. Бул тууралуу тышкы иштер министри Жээнбек Кулубаев «Ачык кабинет» медиа долбоорунун алкагында журналисттер менен жолугушууда билдирди.
Министрдин айтымында, 600–700 чарчы метр аянттагы бир дипломатиялык объекттин орточо баасы 5–9 миллион евро турат. Узак мөөнөттүү перспективада бул кымбат ижарага чыгымдарды толугу менен болтурбоого мүмкүндүк берет. Учурда Кыргызстандын тышкы иштер министрлиги дүйнө жүзү боюнча чоң мүлк пакетин түзүп алган.