Маданият, маалымат жана жаштар саясаты министри Мирбек Мамбеталиев «Ачык кабинет: жоопкерчилик аймагы» медиа долбоорунун алкагында Кыргызстандагы музыкалык мектептердин материалдык-техникалык базасын жакшыртуу пландары тууралуу маалымдады. Учурда өлкөдө 101 музыкалык мектеп жана маданият тармагында кадрларды даярдоочу мекемелер иштеп жатат.
Министрдин айтымында, быйыл музыкалык аспаптарды сатып алууга 100 миллион сомдон ашык каражат бөлүү каралган, бул аспаптар билим берүү мекемелерине берилет. Мындан тышкары, 70 миллион сомдук инвентарь сатып алуу пландалууда, бул билим берүү жана чыгармачылык ишмердик үчүн шарттарды кыйла жакшыртат.