Бардыгы болуп 60 миңден ашык жаран каттоодо турат
Кыргызстандын эмгек рыногунда 8,4 миңден ашык вакансия катталган, бул тууралуу Эмгек жана социалдык өнүктүрүү министрлиги билдирет. Бул жылы январь айынан тарта аймактык жумушсуздук кызматтарынын колдоосу менен 7 миң 106 жумушсуз адам жумуш табышты.
Бүгүнкү күндө калкты жумуш менен камсыз кылуу бөлүмдөрүндө 60 миң 585 адам катталган, булар расмий жумушсуздар жана көбүрөөк пайда алып келүүчү сунуштарды издеп жаткан адамдар. Учурда расмий жумушсуз статусун 37 миң 886 жаран алган.
Министрликтин негизги көңүл бурулган бөлүгү жаштарга багытталган. Жумуш издеп жаткан адамдардын жарымынан көбү 14 жаштан 35 жашка чейинки жаштардан турат, алардын каттоосунда 34 миң 317 адис бар.
Сүрөт www