Бишкекте А. Малдыбаев атындагы Кыргыз улуттук академиялык опера жана балет театрында техникалык жаңылануу активдүү жүргүзүлүүдө. Маданият, маалымат жана жаштар саясаты министри Мирбек Мамбеталиев "Ачык кабинет: жоопкерчилик аймагы" медиапроектинин алкагында жаңы жабдуулар, анын ичинде Steinway маркасындагы рояль менен таанышып чыкты.
Учурда театрда заманбап сахна жана үн жабдуулары орнотулууда. Жазгы каникулдар эски техниканы демонтаждоого жана аны жаңы системалар менен алмаштырууга пайдаланылууда.
Министр белгилегендей, көрүүчүлөр азырынча бардык жаңылыктарды көрө албайт, анткени иштер уланууда. Сахнада жаңы үн системалары орнотулган, жана жаңы театралдык сезон сентябрда башталганда көрүүчүлөр бул жакшыртууларды баалай алышат. Ошондой эле француз, италиян жана испан тилдеринде спектаклдердин мазмунун көрсөтүүгө мүмкүндүк берген заманбап субтитр системасы киргизилди.