Кыргыз мамлекеттик маданият жана искусств университетинин жаңы окуу корпусу жаңы окуу жылына даяр болот. Маданият, маалымат, спорт жана жаштар саясаты министри Мирбек Мамбеталиев бул тууралуу «Ачык кабинет: жоопкерчилик аймагы» медиа долбоорунун алкагында курулуш жайына болгон сапарында билдирди.
Министрдин маалыматына ылайык, жаңы корпусунун курулушу быйылкы жылдын жазында башталган. Беш кабаттуу имарат 8 500 квадрат метрден ашык жерди ээлейт. Курулуш иштерин аяктоо августтун аягына пландалууда, ошентип жаңы окуу жылына университет студенттерди кабыл ала алат.