Бишкекте Кытай Эл Республикасынын Мамлекеттик кеңешинин Пресс-катчылыгы жана Кыргызстандагы Кытай элчилиги тарабынан уюштурулган «Си Цзиньпин мамлекеттик башкаруу боюнча» китебинин бешинчи томунун презентациясы болуп өттү. Иш-чарага мамлекеттик жана коомдук ишмерлер, дипломатиялык корпусунун өкүлдөрү, аналитикалык борборлор жана эки өлкөнүн ММКлары катышты.
Презентация учурунда Кытай Эл Республикасынын төрагасы Си Цзиньпиндин мамлекеттик башкаруу, экономикалык өсүш, реформалар жана эл аралык өз ара аракеттенүү боюнча көз караштары талкууланды. Иш-чаранын катышуучулары китепте баяндалган идеялар уникалдуу улуттук шарттарды эске алуу менен өзүнүн өнүгүү моделин түзүүгө умтулган өлкөлөр үчүн пайдалуу болушу мүмкүн экенин белгилешти.
Китептин которуучусу жана коомдук ишмер Эмилбек Каптагаев кытай тажрыйбасын үйрөнүүнүн маанилүүлүгүн белгиледи. Ал Кытайдын ийгиликтүү башкаруу жана туруктуу өнүгүү үлгүсү катары кызмат кылып жатканын, бул Кыргызстан үчүн да өнүгүү моделин издеп жатканда пайдалуу болушу мүмкүн экенин айтты.
Кыргызстандын Стратегиялык жана аналитикалык изилдөөлөр институтунун директору Аликбек Джекшенкулов бешинчи том кытай модернизациясына жана өлкөнүн өнүгүү жана эл аралык кызматташтыкка болгон көз караштарына көңүл бурууга багытталганын кошумчалады.
Кыргызстандын мурдагы президенти Роза Отунбаева коңшулук мамилелери өз ара түшүнүүнү талап кылат деп билдирди жана мындай басылмалар заманбап Кытайдагы мамлекеттик башкаруунун принциптерин жакшыраак түшүнүүгө жардам берет деп белгиледи. Ал жаңы томдо модернизацияга, сапаттуу экономикалык өсүшкө, реформаларга жана адамзаттын бирдиктүү тагдырынын концепциясына көңүл бурулганын айтты.
Кытай эксперттеринин өкүлдөрү Кытайдын өнүгүшү жана китеп өлкөнүн стратегиялык приоритеттерин түшүнүүгө кандай жардам берери жөнүндө айтып беришти. Иш-чаранын уюштуручулары китептин кыргыз тилинде да которулушу жана чыгарылышы гуманитардык алмашууну өнүктүрүүгө жана элдер ортосундагы өз ара түшүнүүнү бекемдөөгө багытталганын белгилешти.