Кыргыз фондулук биржасы инвестициялык алтынды сатып алууга мүмкүнчүлүк берген жаңы соода механизмин түзүү боюнча демилге көтөрдү. Бул тууралуу КФБнын кымбат баалуу металлдар секторунун жетекчиси Алмазбек Каракожаев уюштурулган базарларды өнүктүрүүгө арналган тегерек столдо билдирди.
Каракожаев КФБ, «Кыргызалтын» ААК жана Борбордук депозитарий ортосундагы үч тараптуу келишимдин алкагында инвестициялык алтындын айлануусунун ачык системасы түзүлүп жатканын белгиледи. «Кыргызалтын» физикалык алтынды чыгаруу жана сактоо боюнча жоопкерчилик алып, маркет-мейкер болуп, базарда ликвиддүүлүктү камсыздайт.