Бишкектин убактылуу мэрдин орун басары Рахат Мусаева 15-июлда Ленин районундагы карамагындагы спорт мекемелерин жана базаларды текшерди. Текшерүү объектинин абалын, айлананы көрктөндүрүү жана жашылдандыруу, ошондой эле спорт инфраструктурасынын жаңы окуу жылына даярдыгын баалоо үчүн уюштурулду. Зарыл болгон спорт инвентарлары жана медициналык жабдуулардын болушуна өзгөчө көңүл бурулду.
Текшерүү учурунда жакшыртууну талап кылган аспектилер аныкталды жана мекемелердин жетекчилерине иштин натыйжалуулугун жогорулатуу, материалдык-техникалык базаны жакшыртуу жана объектилердин санитардык абалын жакшыртуу боюнча тапшырмалар берилди.
Мындан тышкары, жаңы окуу жылын ийгиликтүү баштоо үчүн бардык мекемелерге объектилерди пайдаланууга даяр кылып, ыйгарым укуктуу кызматтардан даярдык актыларын алуу процедурасынан өтүү сунушталды.